Ata finais de 2011 teño a oportunidade única de aloxarme como artista en residencia na Villa Waldberta. Esta estadía forma parte do programa desenvolvido polo Instituto Cervantes de Múnic ao redor da cultura e literatura galegas e no que participou tamén a poeta e compañeira Yolanda Castaño. Ademais de diversas actividades como conferencias e mesas redondas, o importante desta estadía é o tempo que agasalla para dedicarse á escrita e tamén a oportunidade de ser visible e establecer redes con outras creadoras.